जळगाव जिल्ह्याला पुन्हा ५८ हजार ४७९ घरकुल उद्दिष्ट मिळाले.
अमळनेर : पंतप्रधान आवास योजनेनंतर्गत तालुक्यासाठी २७ जानेवारीला ५ हजार ५८१ घरकुलांचे उद्दिष्ट प्राप्त झाले आहे. सप्टेंबर मधील २५२९ घरकुल मिळून २४-२५ साठी ८ हजार ११० घरकुल उद्दिष्ट प्राप्त झाले आहे.*_
महाराष्ट्रात सप्टेंबर महिन्यात ३ लाख ३७ हजार ८९ घरकुल उद्दिष्ट होते २७ रोजी १३ लाख २९ हजार ६७८ घरकुल उद्दिष्ट आले. यावर्षी १९ लाख६६ हजार ७६७ घरकुल तर जळगाव जिल्ह्यात सप्टेंबर महिन्यात ३३ हजार ९२३ घरकुल उद्दिष्ट होते नुकतेच ५८ हजार ४७९ घरकुल आले. २०२४-२५ मध्ये एकूण ९२ हजार ४०२ घरकुलांचं उद्दिष्ट प्राप्त झाले आहेत.
अमळनेर तालुक्यात सर्वसामान्य व्यक्तींसाठी प्रधानमंत्री आवास योजनेत २०१६-१७ ते २०२१-२२ पर्यँत ६ हजार ३९८ घरकुलांचे उद्दिष्ट मिळाले आहे. त्यापैकी ५३६५ पूर्ण
झाले आहेत. १०३३ घरकुल बांधणे बाकी आहे.
🏠 ओबीसी साठी मोदी आवास योजनेंतर्गत २७४६ घरकुलचे उद्दिष्ट प्राप्त झाले असून त्यापैकी ४०० पूर्ण झाले आणि उर्वरित कामे सुरू आहेत.
शबरी आवास योजनेनंतरंगत २०१६-१७ ते २०२३-२४ दरम्यान १६०८ घरकुल उद्दिष्ट प्राप्त झाले होते. त्यात ८६० घरे पूर्ण झाली आहेत व ७४८ घरे बाकी आहेत.
रमाई आवास योजने अंतर्गत १६-१७ ते २३-२४ पर्यंत १३६५ घरकुल उद्दिष्ट प्राप्त झाले आहे. पैकी १०१२ पूर्ण झाले आहेत. २५३ घरकुल बांधायचे बाकी आहेत. अमळनेर तालुक्यात ग्रामीण भागात सुमारे ४१ हजार कुटुंबे आहेत. त्यापैकी २५ हजार कुटुंबांना लाभ मिळणार आहे
ज्या कुटुंबांची नावे ड यादीत आहेत. ज्यांच्याकडे स्वतःची जागा आहे अशा कुटुंबाना एक लाख २० हजाराचे अनुदान मिळते. ज्यांची स्वतःची जागा नाही त्यांना शासन जागा खरेदी करायला ५० हजार रुपये अनुदान देते किंवा ग्रामपंचातीची गावठाण जागा असेल तर मुख्य कार्यकारी अधिकारींच्या परवानगीने गावठाण जागा किंवा शासकीय गट असेल तर जिल्हाधिकारीच्या परवानगीने घरकुल साठी जागा देण्यात येते. - एन आर पाटील ,गटविकास अधिकारी पंचायत समिती अमळनेर
कोणत्याही टिप्पण्‍या नाहीत:
टिप्पणी पोस्ट करा