शेणपूर फाट्या जवळ कार व मोटरसायकल मध्ये भीषण अपघात; अपघातात मोटरसायकल चालकाचा दुर्देवी मृत्यू..

साक्री तालुक्यात् शेणपूर फाट्याजवळ चारचाकी वाहून व मोटरसायकल मध्ये अपघात होवून मोटार सायकल चालकाचा दुर्दैवी मृत्यू झाल्याची घटना घडली आहे,श्री चंदू बाबूराव सोनवणे (वय ४३) व्यवसाय मजुरी रा.शेणपुर ता.साक्री यांनी साक्री पोलीस स्टेशनला दिलेल्या फिर्यादीनुसार,साक्री तालुक्यातील शेणपूर गावा पासून अवघ्या काही अंतरावरच असलेल्या साक्री ते पिंपळनेर रस्त्यावरील शेणपूर फाट्या जवळ दि.०१/११/२०२४ रोजी संध्याकाळी ४ वाजेच्या सुमारास मोटरसायकल चालक श्री.साहेबराव दामू पवार (वय ५०) रा.शेणपुर ता.साक्री हे शेतात लाकडे घेण्यासाठी हिरो होंडा सिडी डिलक्स मो.सा.क्र.MH 18 AV 6753 ने मोटर सायकल ने जात असतांना समोरून येणाऱ्या आय 20 कार क्र.MH 18 AJ 2542 ने ओव्हर टेक करतांना रॉन्ग साईटला येत् मोटर सायकलला जोरदार धडक दिल्याने मोटर सायकल चालक साहेबराव पवार यांचा या अपघातात दुर्देवी मृत्यू झाला. घटनेची माहिती मिळताच गावकरी व शेणपूर गावाचे पोलीस पाटील हेमराज काळे हे घटनास्थळी पोहचले त्यानंतर श्री चंदू बाबुराव सोनवणे यांनी साक्री पोलीस स्टेशन ला कार चालक श्री.रितेश छबिलाल सोनवणे रा.देवपूर धुळे यांच्या विरूध्द फिर्याद दाखल केली आहे.चंदू सोनवणे यांच्या फिर्यादीवरून साक्री पोलीस स्टेशनला मोटर वाहन कायदा प्रमाणे CCTNS NO-0371/2024 BNS 2023 चे कलम 106(1),281,125(A),125(B),324 गुन्हा दाखल करण्यात आला.या घटनेची माहिती मिळताच घटनास्थळी साक्री पोलीस स्टेशन चे प्रभारी अधिकारी सहायक पोलिस निरीक्षक अनिल बागुल,पोलीस उप निरीक्षक राजेंद्र साळुंके याच्यासह कर्मचारी पोहचले.पुढील तपास पोलिस उप निरीक्षक राजेंद्र साळुंके करीत आहेत.ऐन दिवाळीत पवार कुटुंबावर दुःखाचा डोंगर कोसळला आहे.या घटनेनंतर शेणपुर गावात शोककळा पसरली आहे.