अमळनेर : तालुक्यातील चोपडाई कोंढावळ येथील एसएसटी पथकाने गुटख्याची वाहतूक करणाऱ्या कार मधून सुमारे ४५ हजाराचा गुटखा आणि तंबाखू जप्त करून ढेकू रोडवरील एकावर गुन्हा दाखल करण्यात आला आहे.
चोपडाई कोंढावळ येथे एस एस टी पथकात कर्तव्यावर असणारे हेडकॉन्स्टेबल चंद्रकांत पाटील , कृषी पर्यवेक्षक योगेश ललित खैरनार , पोलीस विजय अशोक पाटील आणि फोटोग्राफर समाधान आगळे यांनी ९ रोजी रात्री साडे अकरा वाजता धुळ्याकडून अशोक धुडकू पाटील रा श्रीरामनागर ढेकू रोड अमळनेर हा कार क्रमांक एम एच १८ , ए जे ७१६० मधून येत असताना पथकाने कार अडवली. कार च्या मागच्या बाजूला पांढऱ्या रंगाचे गोणीत गुटखा तंबाखूचा वास येत होता. पथकाने ताबडतोब पोलीस निरीक्षक विकास देवरे , पोलीस उपनिरीक्षक युवराज बागुल , रवींद्र पाटील ,अमोल पाटील यांना कळवून बोलावून घेतले. पोलिसांनी गोणीतून ३८ हजार ८९६ रुपयांचे विमल गुटख्याचे २०८ पाकीट , ६ हजार ८६४ रुपये किमतीची २०८ तंबाखू पाकिटे तसेच ३ लाख रुपयांची कार आणि ५ हजार रुपयांचा मोबाईल असा एकूण ३ लाख ५० हजार ७६० रुपयांचा मुद्देमाल जप्त केला.
अशोक पाटील याला ताब्यात घेऊन त्याच्याविरुद्ध अन्न व औषध प्रशासन कायदा तसेच भारतीय न्याय संहिता कलम १२३,२२३ , २७४,२७५ नुसार कारवाई करण्यात आली. तपास उपनिरीक्षक युवराज बागुल करीत आहेत.
कोणत्याही टिप्पण्‍या नाहीत:
टिप्पणी पोस्ट करा