शिरपूर प्रतिनिधी : शिरपूर येथील जैन गल्लीतील जैन समाज भवन बांधकामासाठी नंदुरबार लोकसभा मतदार संघाच्या खासदार डॉ. हीना गावित यांच्याकडून एक कोटी रुपयांचा निधी मंजूर करण्यात आला आहे. या कामासाठी डॉ तुषार रंधे, राहुल रंधे व ऍड.अमित जैन यांनी पाठपुरावा केला होता.
खा.डॉ.गावित यांच्या निधीतून वरचे गाव जैन गल्ली येथील जैन विशा श्रीमाळी श्र्वेतांबर मूर्तिपूजक जैन समाज भवनाचे 70 लाख रुपये खर्च असलेले बांधकाम करण्यात येणार आहे. त्यासोबतच जुनी देना बँक चौकात श्री वर्धमान स्थानकवासी जैन श्रावक संघ समाज भवनाचे 30 लाख रुपये खर्चाचे बांधकाम करण्यात येणार आहे.
खा.डॉ.गावित यांचा 27 ला सत्कार
जैन समाज भवनासाठी भरीव निधी मंजूर करून दिल्याबद्दल खा.डॉ. हीना गावित व डॉ तुषार रंधे यांचा जैन समाजातर्फे 27 फेब्रुवारीला सायंकाळी सातला जैन गल्ली येथील जैन वाडीत जाहीर सत्कार करण्यात येणार आहे.
कोणत्याही टिप्पण्‍या नाहीत:
टिप्पणी पोस्ट करा