शिरपूर प्रतिनिधी:- आज दि 26 रोजी दुपारी 4 वाजेच्या सुमारास मध्यप्रदेश राज्यातून चणादाळ घेऊन धुळ्याकडे जाणाऱ्या भरधाव ट्रकने तापी नदीत पडल्याची घटना घडली आहे.सदर ट्रक इंदौर होऊन कर्नाटक कडे जात होता .
मिळालेल्या प्राथमिक माहिती नुसार मुंबई आग्रा राष्ट्रीय महामार्ग क्रमांक तीनवरील शिरपूर तालुक्यातील सावळदे तापी नदीपुलावर मध्यप्रदेश कडून धुळ्याकडे जाणाऱ्या एम.पी.09एच एच 6167 क्रमांकाची ट्रक तापी नदीत कोसळल्याची घटना दुपारी 4 ते 4:30 वाजेदरम्यान घडली आहे. या घटनेची माहिती मिळताच घटनास्थळी नागरिकांसह नरडाणा पोलीस स्टेशनचे भरत चव्हाण व पोलीस कर्मचारी तर शिरपूर शहर पोलिस स्टेशनचे पोलीस निरीक्षक अंसाराम आगरकर पीएसआय गणेश कुटे, पिएस आय संदीप दरवडे शिरपूर शहर पोलीस स्टेशनचे इतर पोलीस कर्मचारी दाखल झाले होते.चालकाने सदर ट्रक सावळदे येथे चहापाणी साठी थांबवली होती.यावेळी क्लिनर कालु पटनाकर हा तेथेच थांबला व चालक अनिल मदन बडोले रा उपडी खरगोन मध्यप्रदेश वय 32 हा ट्रक घेऊन धुळ्याकडे निघाला होता.यावेळी सावळदे तापी पुलावरुन ट्रक जात असतांना ट्रक थेट तापी नदीत कोसळला.ट्रकमध्ये नेमक काय होते ? ट्रक कुठे जात होता. याबाबत पोलीसांकडून व शिरपूर टोल नाका कर्मचारींकडून चौकशी सुरु आहे.
कोणत्याही टिप्पण्‍या नाहीत:
टिप्पणी पोस्ट करा