शिरपूर प्रतिनिधी: - शिरपूर आशा स्वयंसेविका व गटप्रवर्तकाचे मागील चार महिन्याचे थकीत मानधन तात्काळ मिळावे व इतर प्रश्न त्वरीत सुटावे यासाठी शिरपूर प्रांताधिकारी व पंचायत समिती कार्यालय समोर लाटणे मोर्चा काढून आंदोलन दि 14 रोजी करण्यात आले.
आशा स्वयंसेविका व गटप्रवर्तकाचे ४ महिन्यांचे थकीत मानधन तात्काळ मिळावे. केंद्र शासनाच्या सुधारीत प्रत्रानुसार ऑक्टोबर २०२१ पासून कोविड प्रोत्साहन भत्ता आशा स्वयंसेविकांना १ हजार रुपये व गट प्रवर्तकांना ५०० रुपये देण्याचे आदेश दिले आहेत. त्यांची अंमलबजावणी व्हावी.आशा व गटप्रवर्तकाचा ऑक्टोंबर २०२१ पासूनचा थकीत मोबदला त्वरीत मिळावा. आशा व गटप्रवर्तकांची उपासमार त्वरीत थांबावावी. १७ जुलै २०२० शासन निर्णयानुसार आशा स्वयंसेविकांना रु. २ हजार व गटप्रवर्तकांना रु. ३ हजार रुपयांची
वाढ केली आहे. तो सप्टेंबर २०२१ पासून थकीत मोबदला आहे. जानेवारी २०२२ पर्यंत त्वरीत अदा करण्यात यावा. त्यात कुठलीही कपात करण्यात येवू नये. १२ जून २०२१ रोजी आरोग्य मंत्री यांच्या सोबत झालेल्या कृति समितीच्या बैठकित चर्चेनुसार जुलै २०२१ पासून आशा स्वयंसेविकांचा मोबदला १ हजार रुपये व गटप्रवर्तकाचा मोबदल्यात १ हजार २०० रुपये दरमाहा वाढ व कोरोना विषाणू प्रादुर्भाव असे पर्यंत ५०० रुपये प्रोत्साहन भत्ता ठरल्याप्रमाणे त्वरीत मिळावा. गोवर रुबेला मोहिम २०१८ मध्ये कामाचे मानधन त्वरीत मिळावे. इंद्रधनुष्य अभियानाचे थकीत मानधन त्वरीत मिळावे. आशा व गटप्रवर्तकांना किमान वेतन मिळावे पाहिजे. व शासकीय कर्मचारीचा दर्जा मिळाला पाहिजे या मागणीसाठी निवेदन सादर करून आंदोलन करण्यात आले.
यावेळी जिल्हा अध्यक्ष आशा व गटप्रवर्तक संघटना अॅड. हिरालाल परदेशी, तालुकाध्यक्ष आशा व गटप्रवर्तक संघटना अॅड. संतोष पाटील, जिल्हा सल्लागार आशा व गटप्रवर्तक संघटना अॅड. मदन परदेशी, तालुकाकार्याध्यक्ष आशा व गटप्रवर्तक संघटना डॉ. किशोर सुर्यवंशी, आशा स्वयंसेविका स्मिता दोरीक, गटप्रवर्तक अरुणा देवरे, पुष्पा महाजन, प्रतिभा पाटील, आशा महिरसळे, वैशाली बारी, मालवी इंदवे, सविता धर्माधिकारी, ठगु बुवा आदींसह आशा कार्यकर्त्या मोठ्या प्रमाणावर आंदोलनात सहभागी झाल्या होत्या.
कोणत्याही टिप्पण्‍या नाहीत:
टिप्पणी पोस्ट करा